مولودی خوانی به زبان آذری به مناسبت میلاد پیامبر اکرم (ص)

مجله اینترنتی کولاک : مولودی خوانی از انواع جشن ها و مراسم ویژه ولادت های ایمه اطهار و پیامبران می باشد. در اینجا اشعاری از مولودی ها به زبان ترکی آذری آورده ایم.

شعر در مقام حضرت رسول اکرم(ص) به زبان آذری

 

مثلون نبیر آدم وهوا گورنمیوب

یوخدورتایون ثری وثریا گورنمیوب

خلق عظیم صاحبی علمین مدینه سی

دنیا گوزی اوقامته همتا گورنمیوب

لولاک بئیر یوزینده یارانمازدی بئیرنفر

افلاک مرتبون کیمی والاگورنمی

وبالاه ئوزی احددی سن احمدبوخاطره

سندن مقربین حق یکتا گورنمیوب

سنلن رموزیلن دانشوب ئوزگه بئلمیه

علم اهلی شرحینه هله یاراگورنمیوب

مشرک لرین ده ساخلادون حتی امانتین

سن تک امین خزانه ی دنیا گورنمیوب

کنعانین اهلی حسنوه حیران قالوبدیلار

یوسف ده ده بوحسنی زلیخا گورنمیوب

چوخلاررسالت حکمی آلو ب ذات پاک دن

ذیلینده مهرلن بئله امضاگورنمیوب

ابلاغ ائدوب رسالتینی کل انبیا

صحبت لرینده امتی الا گورنمیوب

هئچ بئیر پیمبراجررسالت آلانمیوب

سندن سورا مودت قربی گورنمیوب

قصدیم دگل مقایسه ی انبیا ائدم

عقلیم عقیده مه اگراماگورنمیوب

یوزیئرمی دورت مینین هاموسی محترم دیلر

حاشادئیم بئیری ایشین حسنی گورنمیوب

اسماء خمسه ده ولی بئیر آیری سروار

گیزلین دی سری غیر اونا معنی گورنمیوب

ئورگئتدی آللاه آدمه اسماء کلها

فیض فتاب جز فتلقی گــــــــــــورنمیوب

آل عبانی سسله مینجاق جناب نوح

کشی سی امن ساحلی سکنی گورنمیوب

جدین خلیلی چوخ متمکی یازیب دیلار

شانین ده لیک لفظ  فاغنی گورنمیوب

موسی جهان دا گرچه کلیم الله آدلانوب

معراج عرش ولیله الاسری گورنمیوب

بئیرگوزوئروب آچین جا سلیمان تک سوار

بیت الحرام ومسجدالاصی گورنمیوب

جبریل یول تاپانمادی سن گوردوقون یئره

نوح وخلیل وموسی وعیسی گورنمیوب

قرآن دی معجزه ن قالاجاق دور الی الابد

خلق عظیم ائشین ید بیضا گورنمیوب

عیسی ئولن لره بیوروب قم دئیریل دیلر

اذن اللها جماعتی معنی گورنمیوب

سن قل بویورموسان کی هوالواحدالصمد

ادیان ئوزون ده بئیربئله احیا گوزنمیوب

کیم ده رضا گراولمیاسان تاپمیوب یولین

عابد ده اولسا جنتی ماوا گورنمیوب

قویدون مساجدین ئوزالینله بناسینی

بواحترامی د یر وکلیسا گورنمیوب

باخدیم یهودملتینین شرح حالینه

موسی اولاردا صبرومدارا گورنمیوب

گوز گئزدرینده شعب ابی طالب اهلینه

بوش سفره گوردی منیله سلوی گورنمیوب

قورتاردیلارمحاصره نی چوخلی صبریلن

احساس اولاردا آیری تمناگورنمیوب

عمرانه وئردی آلله اگربئیرمطهره

مریم آدیندا زهره ی زهراگورنمیوب

کوثروئریلمیوبدی سلف انبیالره

قورتولمویان هدیه واعطاگورنمیوب

اهلون بلایه عهد ازل دن بلی دئیوب

هرنه بلاگلوبدور اودورلاگورنمیوب

چاتمازسنون وزیریوه هارون فصاحتی

بئیزدن قاباقکیلاربئله مولی گورنمیوب

ملک غدیر ایمدی ده شاهددی دانمیوب

اماکه بعضی لراولوب اعماگورنمیوب

تکمیل دین ولایت مولی الموحدین

بوآیه نی ثقیفه ده شوراگورنمیوب

عشق ائمه صیدائلیوب قلب شیعه نی

تاریخ شیعه لرکیمی شیداگورنمیوب

اوغلون حسن مثل دی جمالینده جدینه

آئینه لراوحسن ده زیبا گورنمیوب

جبریل لای لای چالیب دورحسینوه

گهواره ده بوائیستگی یحیی گورنمیوب

یحیی ده باش وئریبدی حسینین ده فرقی وار

اجرعــزا بکـــاوتبــــــاکا گـــــــــــــورنمیوب

بئیرده یوخیدی زینبه تای قهرمان باجی

جاندان گئجن کفیل صبایا گورنمیوب

گون گورمیوب دی زینبوین گل جمالینی

اصلا اینانمارام یوزین اعداء گورنمیوب

هرکیم یازوبدی چادرومعجرمقالینی

شایسته ی مقام اوعلیا گورنمیوب

نه کوفه اهلی خطبه ی زینب مثالینی

کل جهان دااهل مصلی گورنمیوب

کلثومه زینب اولدی معلم اوخاطره

تای توشلاری اونون کیمی دانا گورنمیوب

لطفین اولوبدی شامل حالیم بوشعرده

چون(اشرفی)بومتن ده انشاگورنمیوب

___________________________________________

 

مولودی خوانی به زبان ترکی آذری

 

نور حق ایسته‌دیکی عاله‌مه تابان اوْلسۇن

گتدی پئیغه‌مبه‌ری دۆنیایه، چێراغان اوْلسۇن

آلتێ مین آیه‌نی اوراد ائیله‌سین ازبه‌رده‌ن

درس ناخوانده گلیب حافیظ-ی-قورآن اوْلسۇن

بیلمیره‌م درس اوْخۇیۇب هانسێ دبیریستاندا

هانسێ دانیشکه‌ده یا هانسێ دبیستان اوْلسۇن

نه موعللیم نه مدرّس، نه اساتید گؤرۆب

جان-ی-عاله‌م سنین اوستادیوه قۇربان اوْلسۇن

کیم بۇ اوستادی قبول ائتدی اگه‌ر، تاپدێ نجات

کیم قبول ائیله‌مه‌دی، داخیل-ی-نیران اوْلسۇن

یئددی سین‌نینده یوْخ اوْلدۇ نئچه گۆن پئیغه‌مبه‌ر

آز قالێب جدّینین اوْندا اۆره‌گی قان اوْلسۇن

بیر نفر تاپدێ گلیب جدّینه تسلیم ائله‌دی

دئدی وئر مۆژده منیم دردیمه درمان اوْلسۇن

مال-ی-دۆنیاده گؤزۆم یوْخدۇ، دئدی ائیله دوعا

اوْ دوعانێن اثری منده نومایان اوْلسۇن

دئدی حضرت نه دوعا ائیله‌ییم آیا دئ گؤرۆم

موستجاب ائیله‌یه‌نی حضرت-ی-سبحان اوْلسۇن

دئدی آللاهیده‌ن ایسته منده بیر اولادی

بۇ محمّدص کیمی بیر چیهره‌سی خندان اوْلسۇن

خلقا” و خلقا” نطقا” بۇ مله‌ک سیما تک

دۇدمانیمده منیم شمع-ی-شبیستان اوْلسۇن

اللـه‌رین گؤتدۆ مناجاته، دئدی یا آللاه

بیر اوْغۇل وئر بۇنا کی لایێق جانان اوْلسۇن

مستجاب اوْلدۇ دوعاسی، نئچه ایللـه‌ر دوْلانێب

وقت اوْ وقت اوْلدۇ، اوْ گۆل غۆنچه‌سی خندان اوْلسۇن

وئردی خللاق-ی-تبارک اوْنا بیر قێز نوه‌سی

اوْ قێزێن شؤهره‌تی آفاقیده ائعلان اوْلسۇن

هفتم-ی-لئیلیده، آد قوْیدۇلا لئیلا اوْ قێزا

یئری وار آد قوْیانێن گؤزله‌ری گیریان اوْلسۇن

آدێ لئیلا اؤزۆ مجنون-ی-علی اکبر اوْلا

دۆشه چؤلده‌ن چؤله، مجنون-ی-بییابان اوْلسۇن

یئتیشیب حدّ-ی-کمالاته اوْ دوشیزه خانیم

دئدیله‌ر نامزه‌د-ی-شاه-ی-شهیدان اوْلسۇن

نامزه‌د اوْلدۇ اوْلۇب حضرت-ی-زهرایه گلین

بۇ گلینده‌ن شهدا شمعی فروزان اوْلسۇن

باتدێ گۆن اَندی شفه‌ق، اوْلدۇ هوا عنابی

وقت اوْ اوْلدۇ حۆسئن جامه‌سی الوان اوْلسۇن

گئیدی توْی رختینی اندامینه داماد اوْلدۇ

نوْقل-وْ-شاباشی گره‌ک، لؤلؤ-وْ-مرجان اوْلسۇن

آسمانلار گئیینیب قێرمێزێ، توْی باشلاندێ

شمع‌لر یاندێ علی خانه‌سی ریضوان اوْلدۇ

گؤردیله‌ر شمع‌له‌رین نورو یاراشمێر اوْ توْیا

بیر چێراغ ایسته‌دیله‌ر نورو فراوان اوْلسۇن

اوْ چێراغێ گتیریب بیر اۇجا قامه‌تلی خانێم

باخانێن ایسته‌دیکی گؤزله‌ری حئیران اوْلسۇن

سارالێب شمع‌لرین نورو ایشێقلاندێ چێراق

اوْ چێراغه هامێ عاشیقله‌ری قۇربان اوْلسۇن

گؤردیله‌ر ماه-ی-بنی هاشیم علمدار-ی-حۆسئن

نوره باران ائله‌دی، صحنه گۆلۆستان اوْلسۇن

گۆل عوذارین بۆرۆیۆب زۆلفو گۆل-وْ-رئیحان تک

رسمیدیر توْیدا همیشه، گۆل-وْ-رئیحان اوْلسۇن

نئچه یۆز گئتدی جوانان-ی-بنی هاشیمده‌ن

نو عروسی گتیره‌ن تازه جوانان اوْلسۇن

اۆچ نفر قالدێ فقط گئتدی هامێ پیشوازه

اۆچ نفر کیمدی؟ دئییم آدلارێ ائعلان اوْلسۇن

بیر حۆسئندیر بیری عبّاس، بیریده زینب‌دیر

ساق سوْلا باخدێ حۆسئن ایسته‌دی گیریان اوْلسۇن

آناسێ اوْلماسا داماده اوْ توْی نیسگیل‌دیر

دئدی ائیکاش آنام بۇ گئجه مئهمان اوْلسۇن

چێخدێ صحنه دئدی عبّاسه سوار اوْل آتۇوا

قوْی باخێب قامه‌تیوه قارداشۇن حئیران اوْلسۇن

بۇ طره‌فده‌ن تزه داماد اوْ طره‌ف تازه عروس

هوده‌جه میندی گلین دؤوره‌سی نیسوان اوْلسۇن

اوْ جوانلار کی یئتیشدی ایکی صف باغلادێلار

ایحتیراما” دئدیله‌ر تیغله‌ر عوریان اوْلسۇن

گئجه‌نین عاله‌می شمشیرلر عوریان اوْلدۇ

آیرێ بیر منظه‌ره لازێمدێ نومایان اوْلسۇن

ایری شمشیرلر اوْل گئجه‌لیک آی شکلی

نوره باران ائدیب هر کوی-وْ-خییابان اوْلسۇن

وسط-ی-صفده گلیر هوده‌ج-ی-زیبای-‌ی-عروس

یئتیشیب تخت-ی-روان، وارد-ی-مئیدان اوْلسۇن

گؤیۆن اۇلدۇزلارێ تبریکینه چه‌چه وۇردۇ

ابرلر ایسته‌دی توْی رقصینه جوْنبان اوْلسۇن

آیێن اوْن دؤرد گئجه‌لیک، نورو بولود دان چێخدێ

طاق-ی-نصرت کیمی اطرافینه رخشان اوْلسۇن

ناگه‌هان صحنه‌ی-ی-مئیدانیده بیر گۆن چێخدێ

گۆن دگیل نورودو، یئرده‌ن گؤگه پرران اوْلسۇن

گلینین محمل‌ینی ساخلادێلار، سس یاتدێ

دۇردێلار ساکت-وْ-صامت، زن-وْ-مردان اوْلسۇن

هوده‌جین پرده‌سینی رد ائله‌دی باخدێ عروس

گؤردۆ اؤز نامزه‌دین ایسته‌دی بیجان اوْلسۇن

دۆشدۆ ناگه گؤزۆ عبّاسین اۇزۇن قوْللارێنا

یاراشار قامه‌تینی سرو-ی-خرامان اوْلسۇن

باخدێ باخدێ اوْ اۇزۇن قوْللارا رعنا قدینه

اللـه‌رین قوْزادێ آللاهه ثناخوان اوْلسۇن

دئدی ربّی اوْ اۇزۇن قوْللارێ چوْخ گؤرمه بیزه

بۇ جوان عیترت-ی-زهرایه نیگه‌هبان اوْلسۇن

گؤردۆ عبّاسی ایکی دفعه بۇ خاتۇن-ی-عزیز

بیری بۇردایدێ، بیرین قوْی دئییم عونوان اوْلسۇن

بیرده گؤردۆ اوْنۇ لئیلا شب-ی-عاشوراده

آز قالۇردۇ اوْ بلا صحنه‌سی طوفان اوْلسۇن

علی اکبر سۇوا گئتدی، کسیلیب چاره یوْلۇ

گؤردۆ یوْخ چاره گره‌ک، دست بئدامان اوْلسۇن

قد اۇجا قامه‌ت اۇجا، پرچه‌م اۇجا قوْللار اۇزۇن

اوْ مهابه‌تله گئدیر، عازیم-ی-مئیدان اوْلسۇن

دامه‌ن-ی-تللیده گؤرسه‌ندی، ایکی قاره لیباس

بالاجا بیر قێزێدێ قلبی پریشان اوْلسۇن

دالێسێجا  یئریییر بیر اۇجا قامه‌تلی خانێم

بئله دۆنیا، بئله بیر عاله‌می ویران اوْلسۇن

اوْ قێزێن اللـه‌ری باشدان اۇجالێب سسله‌ندی

عمو صبر ائیله رقیه‌وْن سنه قۇربان اوْلسۇن

قارداشێم گئتدی فراته بیزه رحم ائیله عمو

آناسێن قوْیما اوْغۇلسۇز اگه‌ر ایمکان اوْلسۇن

دئدی یا اکبری الساعه سلامه‌ت گتیریم

یا اۇزۇن قوْللارێمێ قانیمه غلطان اوْلسۇن

اوْ طره‌ف نهر-ی-فرات اۆستۆ تجلّا ائله‌ییب

بیر اۇزۇن قوْلدۇ انیر، قاتێل-ی-عودوان اوْلسۇن

بیر نفر قالمادێ نهر-ی-اۆسته سلامه‌ت دایانا

ایسته‌دی معره‌که‌ی-ی-جنگینی پایان اوْلسۇن

ساقدا آغ ساققال حبیب‌ابن‌مظاهیر سۆرۆر آت

سوْلداقاسیمدی سوراه گۆل-ی-خندان اوْلسۇن

دالدا قێرخ بئش نفر اللـه‌رده یالێن خنجه‌ریله‌ن

دوْلۇدۇر مشک‌لر عطشانلارا ائحسان اوْلسۇن

دؤرد نفر چێخدێ سواره یوْلۇ سدّ ائیله‌دیله‌ر

وقت اوْ وقت اوْلدۇ قێلێجلار گینه عوریان اوْلسۇن

اۇجادان سسله‌دی شهزاده یوْلۇمدان چکیلین

قوْیمایێن جیسمیزی توْپراق ایله یئکسان اوْلسۇن

گؤردیله‌ر آچدێ اۇزۇن قوْللارێ سسله‌ندی علی

گل عمون گل اوْ گؤزه‌ل گؤزله‌ره قۇربان اوْلسۇن

آتدێ توْپراغه اؤزۆن اؤپدۆ اۇزۇن قوْللاردان

قوْیمادێ قلبینی شرمه‌نده‌ی-‌ی-جانان اوْلسۇن

آشدێلار تللی علی دۆشدۆ یئره مرکه‌بده‌ن

گلدی لئیلایه اوْ آخه‌ر گئجه مئهمان اوْلسۇن

یێخێلێب اؤپدۆ رقیه باجێسێ چکمه‌لرین

دؤندۆ پروانه کیمی باشینه سوزان اوْلسۇن

گتدی لئیلا اوْ گلینلیکده سالان معجه‌رینی

ایسته‌دی خاطیره‌‌-ی-موسیم-ی-هیجران اوْلسۇن

سالدێ توْپراغه دئدی قوْی اوْ موباره‌ک قده‌مین

قامه‌تین معجه‌ریمین اۆسته خرامان اوْلسۇن

چکمه‌سین قوْیدۇ علی معجه‌ر-ی-زر تار اۆسته

دئدی اَگله‌ش یئره قلبیم ائوی ویران اوْلسۇن

منبع: emam8